BASO BIZIAK PLATAFORMA sortu zen  basoetako landaketei begira ikusita pinuaren banda marroiaren gaisotasunak basogintza politika birpentsatzeko aukera bat irekitzen zuela monolaborantza masibotik ihes egiteko eta bereziki, eukaliptoaren monolaborantzatik; hori izan zen gure abiapuntua, baina konturatu gara  ere gune urbanoetako berdeguneek duten garrantziaz geure egunerokotasunean, izan ere gure bizitzaren zatirik handiena herrietan, hirietan ematen baitugu. Hori dela eta, menditik herrrietara jaitsi dugu begirada eta ikusi dugu praktika arborizidak indarrean jartzen ari direla behin eta berriro hainbat aitzakiaz baliatuz: izan urbanizazioak, eraikin bereziak, parkingak,  espaloietako obrak, geltoki berriak eta abar luze bat, beti ere zuhaitzen kalterako. Gainera  berdegune urbanoen kudeaketa eta azalera ez da gaur egun larrialdi klimatikoak eskatzen duena.

Hori guztia ikusita harremanetan jarri ginen 2023ko irailean hainbat herritako eragileekin KOORDINADORA bat sortzeko eta lortu, lortu dugu, bere izena DENON BERDEGUNEAK da eta hauek dira, mementuz, bertan gauden taldeak:

BASO BIZIAK PLATAFORMA, ARTIAKO LAGUNAK( Irun),  SOS MANTEO (Donostia), BARAKALDO NATURALA,  HARITZALDE (Donostia), LANTZARTE BIZIRIK (Berango), EUSKAL HERRIKO HAZIEN SAREA, SOS ASTIGARRAGA, SOS OLARIZU ( Gasteiz),  STOP TALA DEUSTO.

URTARRILAren 27an, Elorrion, TOPAKETA  bat antolatu nahi dugu  partaide guzti hauekin  bakoitzaren arazoak, esperientziak, ibilbidea eta lorpenak partekatzeko. Horrekin batera proposatu nahiko genuke DENON BERDEGUNEAK kudeatzeko ARAUDI eredugarri bat.